為孩子奔跑 RUN for children- 渣打馬拉松慈善計劃2025 (Archie Wong)
- 01/01/2025 - 31/03/2025
Archie Wong is participating in 為孩子奔跑 RUN for children -- 渣打香港馬拉松慈善計劃2025
and is fundraising for
The Hong Kong Student Aid Society Limited
Hey I'm Archie Road & Trail Runner
My Story
2024年係我第一次跑馬拉松，亦都係要考DSE。礙於我當時要應付公開考試，所以我全年都只係參加左一個的大型活動，個個就係跑班同渣打馬拉松。咁其實我右腳的十字韌帶曾經受過傷，為免在訓練或比賽期間受傷，我都會進行大量的熱身運動同拉筋，避免自己又受傷。不過好多時訓練完都仍會腫痛，每次回舍都要進行冰敷去減輕痛楚。加上我當時係DSE考生。我除了需要練跑，同時需要應付學業。每星期在學校補課後，便前往運動場練習，完成練習又要回舍自修。呢個過程非常勤辛，每天都好想放棄。但宿舍導師無微不至嘅支持同照顧，我仍然堅持兼顧學習和練跑。
跑渣馬當天的我有著一個目標，就係一小時內完成比賽，我最感恩當天我的前十字韌帶沒有痛楚，亦正正因為呢樣野，我都有幸可以係1小時內完成。覺得自己完成左人生其中一個目標。到之後見到同場嘅朋友都陸續完成馬拉松，回想每星期參加跑班，到完成馬拉松，之後大家一齊集合去到機構個攤位到影相，令我覺得好有齊上齊落的感覺。
而在整個馬拉松的過程中，我沿途看到不少的視障跑手，即使他們受限於視力，但眼見身旁有視障人士領跑員在旁陪伴佢地，令我體會到宿舍一班的導師陪伴嘅重要性。而且眼見他們永不放棄地向著終點跑，都鼓勵了我不能放棄。完成左個馬拉松，開始面對公開考試我都沒有氣餒，努力堅持完成考試，至今開始嘗試工作，他們的身影仍我身前鼓舞著我。人生當中有唔同嘅目標，就好似跑馬拉松咁，一直向住終點跑，就可以達成。所以今年我都再報左名，再次參加渣打馬拉松。請大家支持我，謝謝！